Таълим сифатини ички таъминлаш бўйича чора-тадбирлар
0 кўрилган

Ҳамширалик иши йўналишида таълим сифатини ошириш бўйича чора-тадбирлар
Шаҳрисабз Абу Али ибн Сино номидаги жамоат саломатлиги техникумида “Ҳамширалик иши” йўналиши бўйича таълим сифатини ички таъминлаш ва таълим сифатини оширишга қаратилган чора-тадбирлар режаси ишлаб чиқилган.
Мазкур режа таълим жараёнида аниқланган камчиликларни бартараф этиш, ўқув жараёнини замонавий талаблар асосида такомиллаштириш ҳамда талабаларнинг касбий тайёргарлигини янада оширишга қаратилган.
Режага мувофиқ, аввало, амалий машғулотлар сонини кўпайтириш ва клиник базалар билан ҳамкорликни кенгайтириш белгиланган. Бу орқали талабаларнинг назарий билимларини амалиётда мустаҳкамлаши ва касбий кўникмаларини ривожлантириши кўзда тутилган.
Шунингдек, ўқув жараёнининг моддий-техник базасини мустаҳкамлаш мақсадида янги тиббий тренажёрлар ва лаборатория жиҳозларини харид қилиш, замонавий тиббий технологиялардан фойдаланиш имкониятларини кенгайтириш бўйича ишлар режалаштирилган.
Педагогларнинг касбий ва методик салоҳиятини ошириш мақсадида инновацион педагогик технологиялар бўйича семинар ва тренинглар мунтазам ташкил этилиши белгиланган. Бу эса замонавий ва интерактив ўқитиш усулларини таълим жараёнига кенг жорий этишга хизмат қилади.
Талабалар билимини баҳолашда ягона ёндашувни шакллантириш мақсадида ягона баҳолаш мезонлари ва электрон тест тизимини жорий этиш кўзда тутилган. Мазкур тизим баҳолаш жараёнининг шаффофлиги, холислиги ва адолатлилигини таъминлашга хизмат қилади.
Кутилаётган натижа сифатида талабаларнинг амалий ва касбий кўникмалари ошиши, ўқув сифати яхшиланиши, замонавий дарс бериш тизими шаклланиши ҳамда талабалар билимини баҳолашнинг шаффоф ва адолатли механизми йўлга қўйилиши кўзда тутилган.
Мазкур чора-тадбирлар таълим сифатини ички таъминлаш тизимини узлуксиз такомиллаштириш, аниқланган камчиликларни ўз вақтида бартараф этиш ва меҳнат бозори талабларига жавоб берадиган малакали ҳамшираларни тайёрлашга хизмат қилади.
